إنسانيات ( نوم العازب )

[أبو حميد المصري]

[poem=font="Simplified Arabic,6,darkblue,normal,normal" bkcolor="transparent" bkimage="backgrounds/40.gif" border="double,4,gray" type=3 line=1 align=center use=ex num="0,black"]

قرداتي و مسلسل قرده=
داير بجرجره و يشده=
يقوله عجين روح لته =
و العجن و اللت غاويه=
***=
و القرد مصدق نفسه=
حر قال فاكر نفسه=
و القيد كاتم على نفسه=
بيحسب الدنيا ملك إيديه=
***=
و الناس تمصمص شفايفها=
الفرجه مهياش على كيفها=
يقولوا دا قرد و يمدوا كفوفها=
بحسنه ما تجوزشي عليه=
***=
القرد ترضيه كام موزه=
في ليله يبات ماسك جوزه=
يعمر الطاسه و ينام مع لوزه=
نوم العازب أهي بتسليه=
***=
لوزه دي بقى معزه=
علموها النشل في الغرزه=
تلقى زبون تروح غامزه=
للقرداتي يقلب فيه=
***=
في يوم القرد و المعزة إتفقوا=
يهربوا منه و يحتفلوا=
بهروبهم لما سألوا=
هي الحرية تطلع إيه ؟=
***=
قالوا لهم من غير سلاسل=
العيشة هنية ع الآخر=
و تروح بعيد و تسافر=
و تعمل اللي نفسك فيه=
***=
القرد في العتمه سحب لوزه=
و طلع يتسحب و ف ايده جوزة=
يمكن يوم يكون لها عوزة=
أصله كيف عودوه عليه=
***=
في الطريق شافوا جماعة=
قربوا منهم بشجاعة=
يقضوا معاهم و لو ساعة=
و ياكلوا م اللي يجودوا بيه=
***=
الناس شافوهم قاموا صرخوا=
قرد و معزة دا كلام برضو=
في نص الليل سوا يتمشوا=
عفاريت دي و لا ايه ؟=
***=
القرد م الخضة طلع يجري=
و المعزة ع الغرزة وراه دوغري=
أهو أي مكان ليهم يأوي=
و لو نوم العازب يرجع ليه=
_____________=
أبو حميد المصري =
22/06/2004 =[/poem]